Mohammed Moeaz
عضو جديد
عدد المساهمات : 44
تاريخ التسجيل : 31/08/2009
العمر : 36
 |  موضوع: تجسيد الوفاء للأزواج فى صورة عصرية جديدة  الثلاثاء سبتمبر 08, 2009 3:36 pm | |
|
بسم الله الرحمن الرحيم
أهلا بيكم , بكل اللى هيقرا الكلام وبكل اللى مش هيقرا الكلام ندخل فى الموضوع بسرعة , لما كان الناس البسطاء التعبانين اللى هما عامة الشعب كانوا بيتخانقوا مع أولادهم زمان عشان التليفزيون كانوا على فكرة مش علشان المذاكرة أو غيرها , فيه ملاعيب تانيه خالص خاف الأباء والأمهات من ان أولادهم الصغيرين اللى على وش دنيا يتعلموها من الناس اللى طالعين فى الجهاز العظيم ده وبيمثلو فى السينيما ده
لما الناس بتقرا جرايد كل يوم الصبح كتير أوى من البنى ادمين يفتح على الصفحه القبل الأخيرة , نعم صفحة الشاشة ويعرف المحترم أو المحترمة كل اللى هييجى على الشاشة طول النهار وفى جميع القنوات وبصراحة عمرهم ما كذبوا يقولوا مثلا ان مسرحية (حزمنى يا كابتن) هتيجى الساعة 10بالليل يبقا خلاص انتهت وكمان ربنا يكرمهم بيفضلوا يعلنو عنها من قبلها بشهر ونص
المشكلة الوقتى ان الناس بقت بتتفرج وتقلد , تتفرج وتقول , تتفرج وتعلم يعنى الوقتى خلاص بقم بيتفرجوا ويمثلوا كمان
طيب ومالو يا سيدى اتفرج وقلد فى اللبس والكلام والسيجارة والولاعة وتنزيل البنطلون وحط فى آخر البنطلون أحبال براحتك خالص وليه طيب تلبس بنطلون أدام آرفك الأرف الأرف ده كله يا راجل وانتى كمان يا حلوة عليكى وعلى حاجتين بادى كارينا وجزمة بالينا
حاولت كتير والله أنقض _بالضاد_ كل اللى بشوفه أو بسمعه وأعمل غيره , وأنقد _بالدال_ كل اللى بيعملوا الحاجات ده كلام كتير جدا انتشر بين الشباب , بقت حاجة تكسف مثلا واحد تعبان جدا بدل مايقول أنا تعبان أوى أو جدا أو موت أو على الآخر لأ يقول أنا تعبان فحت واحد تانى نفسه ياكل جعان غصب عنه يقول أنا خرمان , خرمان ومبسوط؟ خرمان على فكرة معناها مخورم يعنى بيسقط أكل
غير كده لما مواضع القدوة انتهت خلاص وغير ذلك من الكلام بيتقال على لسان الشباب اليومين دول
اتخيل انت معايا مثلا وده بيحصل مثلا واحد محترم بيكلم واحد صحبه وبيقول ليه ايه؟
(أوك يا زميل , قبل ما نخلع أنا وانت على الكلب هنبقا نعدى على بودا ونجيب منه الوصله بنت ال .........علشان لزوم السهرة اوعى تنسى تعدى على حريقة علشان تجيب الحشيش قشطه يلا فاكس)
طبعا كلام جميل كلام معقول
بس طلاما مقدرناش نخلى الناس الطيبين دول ميقلدوش الشباب الروش اللى فى التليفزيون دول وهم مش شوية دول كتير خالص عد يا عم الهوانى كلهم والتوامر كلهم والمحمدات كلهم غريبه أوى ان مفيش مطرب اسمه أحمد ونانسيات ولطيفات وحاجات كتير
المهم كذلك مش هنقدر نغير من الناس التقال دول طيب يبقا كفايانا اللبس والبناطيل والباديهات والولاعات والسجاير بكفايانا بقا بس منغيرش تراثنا الطيب النضيف اللى أهلنا اتربوا عليه وتعبوا أوى على ما شربوهولنا وفى الآخر ييجى واحد زى تامر حسنى مثلا يهدم كل ده بسهولة والله ده يبقا افترا المشكلة ان ده بيأثر على شخصية البنى آدم ده وكل ما تمادى بقت نسبة أعادته راجل تانى أو بنت تانى صعبة جدا
المهم احنا ايه اللى جابنا السكه ده احنا كنا بنقول فى موضوع الوفاء للأزواج
بيحكوا كتير أوى عن الوفاء للأزواج بعد موتهم بمعنى ان الست لو جوزها مات وفاءا ليه متتجوزش غيره وتفضل حزينة عليه وده بيحصل فى بلادنا الطيبة وغير كده بيحصل فى التليفزيون كمان شوف زمان هتلاقى كتير أوى قاموا بدور الست اللى جوزها مات وهى فضلت من غير جواز علشان ولادها ,لكن بعد كده لقينا فى فيلم شديد بردو ان واحده جوزها متوفى من كام سنة وهى فضلت الكام سنة دول فى وضع صامت وفى وضع اتزان وبعدين ايه بقا؟
ياريت واحد مثلا جالها واتجوزته لأ
ده راحت مع واحد غريب وسهرت ورقصت وسكرت والعبى يا ألعاب
الناس بتتفرج وتفهم وفيه عيال صغيرين لو شافوا كده يفهموا ان لو جوزها مات أو مراته ماتت يبقا خلاص كأنهاحاجة كلناها وهضمناها وامتصيناتها حرام كده حرام التلاعب بدماغ الناس
لازم يبقى فيه ليميت بين اللى حلال واللى حرام طيب احنا دخلنا فى الحرام يبقى فيه بردو ليميت بين الحرام أوى والحرام نص ونص ولو دخلنا أبو أوى بردو يبقى فيه ليميت بين التقيل والخفيف
وربنا يعين بقا وزى بيتكوا اتفضلو
أنا هخلع الوقتى يلا قشطة متنسوش الحشيش
محمد معاذ
| |
|
vibroflot
عضو ماسى
عدد المساهمات : 996
تاريخ التسجيل : 23/08/2009
العمر : 35
| | موضوع: رد: تجسيد الوفاء للأزواج فى صورة عصرية جديدة الخميس سبتمبر 10, 2009 4:03 pm | |
| شكرااااااا جزيلااااا
وربنا يستر
| |
|
مسلمه
عضو ماسى
عدد المساهمات : 531
تاريخ التسجيل : 21/08/2009
العمر : 35
| | موضوع: رد: تجسيد الوفاء للأزواج فى صورة عصرية جديدة الثلاثاء سبتمبر 15, 2009 1:31 pm | |
| موضوع جميل ربنا يجعل كل زوج وزوجه اوفياء لبعض وربنا يستر | |
|
