محبى الاسلام
السلام عليكم
أهلا وسهلا بك فى منتدانا
عزيزى الزائر اضغط التسجيل لتكون عضوا فى منتدانا
وان كنت عضوا يرجى الدخول
وشكرا
محبى الاسلام
السلام عليكم
أهلا وسهلا بك فى منتدانا
عزيزى الزائر اضغط التسجيل لتكون عضوا فى منتدانا
وان كنت عضوا يرجى الدخول
وشكرا
محبى الاسلام
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةأحدث الصورالتسجيلدخول

 

 حكاوي الغيط و المصطبة

اذهب الى الأسفل 
4 مشترك
كاتب الموضوعرسالة
ahmed sabbah
المدير العام
المدير العام
ahmed sabbah


عدد المساهمات : 1572
تاريخ التسجيل : 20/08/2009
العمر : 35

حكاوي الغيط و المصطبة Empty
مُساهمةموضوع: حكاوي الغيط و المصطبة   حكاوي الغيط و المصطبة I_icon_minitimeالثلاثاء أبريل 13, 2010 3:16 pm


حكاوي الغيط و المصطبة

منذ أكثر من 15 سنة تعرفت عليه كنت في أول دراستي الجامعية وكان هو وقتها في الخمسين من عمره فلاح بسيط يلبس الجلباب البلدي ويتحدث بلغة عامية صرفة ولكنه أذهلني بكلامه وثقافته وموهبته الفطرية وقد أعجب بي وأعجبت به وصرنا صديقين وإن كنت أعامله دائما علي أنه الأستاذ
وكانت لنا قعدات في بلدته ومع فلاحي قريته لن أنساها ما حييت وقد أصبح الآن شاعرا مشهورا وله دواوين وباب دائم في جريدة آفاق عربية
وقد قررت أن أسمعكم كلماته وأنا أعلم أنكم ستذهلون ...وقد اخترت له تلك الكلمات وهي بعنوان " إحنا ناقصين حرق دم" من ديوان حكاوي المصطبة والغيط ..وأظن أن حكاوي المصطبة لا يمكن أن تكون إلا في هذا المنتدي " كلام مصاطب"..وهو يقول ...:-


بعد شغل اليوم في غيطنا ..من عادتنا
كنا نقعد عند راس الغيط بتاعنا
عالقناية..تحت توتة
فارشة ضلتها النجيلة
كنا نقعد زي عيلة
والكلام يبقي براحتنا
نشرب الشاي في العصاري
قبل ما نروح بيوتنا
الكلام كان يبقي بينا عن جواز عبد السميع
والا صوت الشيخ مطاوع
والا مرسي في يوم جوازه
والا أسعار التقاوي
والا أسعار الكيماوي
اللي فاق كل التصور واللي زاد عن أي حد
مرة بنهزر ونضحك .مرة تانية نبقي جد
كنا بنفرفط همومنا اللي غطت لون هدومنا
...كنا دايما نبقي خمسة
زاد علينا الواد سلامة بن ابراهيم
واد بيفهم في المكن زي المهندس
المكن للري يعني
بالخصوص لوكان قديم
باختصار جه مرة جنبي . قالي شفت الملعونين؟
قلت مين؟
قال لي يعني حد غيرهم..اليهود والأمريكان..
قلت مالهم ؟ قالي مالهم ....إنت مش عايش معانا؟
ابتدوها حرب تالتة
خططولها سنين
وابتدوا بالفلاحين
قلت ليه؟ دول بيدونا التقاوي والكيماوي ..والمبيد
قال خلاص ..جبت المفيد
لما يدوك التقاوي والكيماوي والمبيد
تبقي اييه؟
قلت قولي من جنابك نستفيد
رد قالي نبقي لعيلهم عبيد
قلت ليه؟ قالي ما تخليك معايا
لو منعهم مرة عنا أرضنا نزرعها أيه؟؟؟
أو بأيه؟؟؟
قلت الله يعني أيه؟؟هي يعني الدنيا سايبة؟
فيه حكومة وفيه رقابة..وبرلمان
قالي آآآآه الكلام ده كان زمان
لما كان في كل دار ..صومعتين
جوه قاعة..اسمها قاعة الخزين
واحدة كان فيها التقاوي ...والكبيرة
ياخدوا منها للطحين
والا أيه يا با اسماعين؟؟

اتعدل عم اسماعيل
قالوه يابني كلمتينك معقولين
خلوا يا بني عقلي لف
وافتكرت أيام زمان
كنا دايما صف واحد
اسرائيل فرقتنا ..قسمتنا ألف صف
رد مرسي..قالوه يابا اسماعين..؟
كامب ديفيد مش عشان نبقي ف سلام؟؟؟
قالوه يابني
إنت فاهم..؟ السلام يبقي بكلام؟؟
والا يعني الحرب ضرب؟
للحروب أشكال كتيرة ..منها زي ما قال سلامة
في التقاوي والكيماوي والمبيد
منها برضوه في الصناعة والاقتصاد
اللي ماسكين الصناعة رجالتهم
المصيبة هما أصلا من عيالنا
بس منهم اللي هاجر..راح أمركا
الكويس يمسكوه..يبقي عالم عندهم ويجنسوه
أما لو يرجع بلاده يقتلوه عمرهم ما يسيبوه
واللي راح صايع وضايع هما برضوه يحتاجوه
يبقي واحد زيهم ويعلموه ..واحده واحده يلمعوه
يبقي صايع بس دولي سرقة نصب يدربوه
يبقي واحد شكل تاني جمزبوند الأمركاني
أي دولة جاي منها يبعتوه
لاجل ما يسرق فلوسهم ومرة تانية يستقبلوه
أصلوه حول عندهم أموال كتيرة يبقي لازم في المطار يستقبلوه
رد مرسي..قالوه أفهم. واحده واحده
بس قولي إزاي ح يسرق؟
قالوه...شوف
لما ييجي جاي لبلده
يبقي صايع...يكتبوا له في الجواز صاحب مصانع
يبقي جاي آخر قيافة والكلام يبقي بقلاطه
مرة تانية باللطافة واحنا ناس آخر هيافه
الكبار بيعظموه..للبنوك ويقدموه
بعد فترة ..بالخديعة والرشاوي
يشتري منا المصانع من فلوسنا في البنوك


منقول من منتدى شباب النهضة
الرجوع الى أعلى الصفحة اذهب الى الأسفل
https://islamlovers.ahlamontada.net
Eng Nader
عضو مجتهد
عضو مجتهد
Eng Nader


عدد المساهمات : 106
تاريخ التسجيل : 04/12/2009
العمر : 34

حكاوي الغيط و المصطبة Empty
مُساهمةموضوع: رد: حكاوي الغيط و المصطبة   حكاوي الغيط و المصطبة I_icon_minitimeالسبت أبريل 17, 2010 5:31 pm

جميلة جدا
شكرا جزيلا
gfgfgfff
الرجوع الى أعلى الصفحة اذهب الى الأسفل
twinsspirit
عضو فعال
عضو فعال
twinsspirit


عدد المساهمات : 235
تاريخ التسجيل : 28/08/2009
العمر : 34

حكاوي الغيط و المصطبة Empty
مُساهمةموضوع: رد: حكاوي الغيط و المصطبة   حكاوي الغيط و المصطبة I_icon_minitimeالثلاثاء أبريل 20, 2010 11:08 pm

جميل بجد والله شكرا علي مجهودك الرائع
الرجوع الى أعلى الصفحة اذهب الى الأسفل
the martyr
عضو فعال
عضو فعال
the martyr


عدد المساهمات : 258
تاريخ التسجيل : 22/08/2009
العمر : 35

حكاوي الغيط و المصطبة Empty
مُساهمةموضوع: رد: حكاوي الغيط و المصطبة   حكاوي الغيط و المصطبة I_icon_minitimeالأحد يونيو 27, 2010 1:13 pm

تسلم دياتك خيو احمد
يسلموووووو
شو هالروعه والجمال عن جد شى حلو كتيييييييييييييييييييييييييييييييييييييييييييييييير حكاوي الغيط و المصطبة 45171 حكاوي الغيط و المصطبة 45171 حكاوي الغيط و المصطبة 45171 حكاوي الغيط و المصطبة 45171 حكاوي الغيط و المصطبة 45171 حكاوي الغيط و المصطبة 544407 حكاوي الغيط و المصطبة 544407 حكاوي الغيط و المصطبة 544407 حكاوي الغيط و المصطبة 544407 حكاوي الغيط و المصطبة 544407 حكاوي الغيط و المصطبة 544407 حكاوي الغيط و المصطبة 44841 حكاوي الغيط و المصطبة 44841 حكاوي الغيط و المصطبة 44841 حكاوي الغيط و المصطبة 277307 حكاوي الغيط و المصطبة 277307 حكاوي الغيط و المصطبة 277307
الرجوع الى أعلى الصفحة اذهب الى الأسفل
 
حكاوي الغيط و المصطبة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
محبى الاسلام :: المنتديات الثقافية :: المنتدى الأدبى :: الشعر والادب-
انتقل الى: