يوميات فاشل (متجدد يوميا)......

أقوى يوميات عرفتها البشريه
يومياتـ......
أنـــا فـــاشـــل

يوميات فاشل (متجدد يوميا)...... 5dqc93

وزى ماهنشوف خلال الحلقات القادمه
مسيرتى إلى فشل لا حدود له خلال الحلقات التاليه

اما الآن فمع المقدمه

انا مين

انا شاب مصري مشهور بالفشل في كل حاجه مفيش اي نشاط ادخل فيه ولازم افشل
فيه . ان كان دراسه ولا ترفيه ولا شغل نفسي اعرف الغلط جي منين
وانا هحكلكو عن حياتي اليوميه يمكن حد يقولي الغلط جي منين.
متستغربوش لو المدونه دي فشلت لأن ده الطبيعى ...

الفشل الاول (الحب الحب) يوميات فاشل (متجدد يوميا)...... Icon_rolleyes

بدات حكايتى وانا فى تالته ابتدائى

كنت بشوف اعلان واحد بيطلع فيه ويقول كول وافلام التسعينيات ديه اعد افكر فى الكلامه وفى الاخر قررت ابقى كوووووول

صحيت الساعه السابعه والنصف كالعاده وسمعت اغنية عايزنها تبقى خضر الارضى
الى فى الصحراء وشربت لبن وبطنى وجعتنى كالعاده مش من اللبان من الاغنيه

ورحت المدرسه وانا ماشى عمال افكر ازاى ابقى كول

المهم كان عندى واحد صحبى اسمه ميدو كان بيحط زيت امله على شعره وبنطلونه
مرفوع لحد صدره اظهار انه كان بيدفى صدره بيه ورابط القميص لحد ماهيشنق
نفسه بيه

قولت ده الواد الكول الى فى صحابى كلهم

فقررت اروح اسئله ازاى ابقى كول زيك فرد عليه

ميدو: كول سرح شعرك وامسك منديل فولار اوعى تجيب فاين فولار احسن والبس ساعه وحس انك كول وانت ماشى

خلص اليوم وروحت وكان عليه درس باليل فقررت انى افاجئ الناس كلها وابقى اجمد كووووول فى مصر

لبست بنطلون ورفعته لحد صدرى كنت حاسس ان هيغمى عليه من البنطلون وتنيته من تحت لحد مابقيت شبه بتوع المطافى

وحبيت اخرج عن كلام صحبى واحط جيل فى اول واضخم حدث هو الاول من نوعه وهو انى هبقى كول

رحت الصبانه وجبت بربع جنيه جيل وحط بقى ياكول على شعرك واستحمه بالجل حطيت كمية جيل محدش حطها ابدا

ولبست قميص كول كده كنت حاسس ان رايح جنينة الحيوانات من كتر الحيوانات
الى عليه ولبست ساعه كتينه موديل 1919 من ايام عمك سعد ومشيت فى الشارع
وانا حاسس انى كول واجمد كووول فى التاريخ البشرى رحت الدرس وكنت اتاخرت
طبعا عشان بظبط الكول بتاعى

ودخلت ووقعت عنيه على فاطمه وبجد فاطمه والحب والكول ابتداء ذات الشعر
القصير الوجه الذى لا يفرق عن وجه الولاد فهى فى ذلك الوقت لا تملك اى شىء
يدل عن انها بنت او اى داليل عن انوثتها فهى فتات احلامى وبجد فاطمه والحب
والكول ابتداء

اعد ابصلها طول الحصه وشعرى غرقان جيل وبمنظرى العجيب ده وبعد مخلص الدرس قولت لميدو انا بحبها اوى قالى

ميدو: هو انت شوفتها غير مرتين خلاص هظبطك معها

طبعا ميدو ولا ظبطنى ولا حاجه كل تظبيطه اننا مشينا جمبها طول الطريق كنت حاسس سعاتها انى فى الصم والبكم

وفى الاخر قررت اكلمها واصرحلها على كووول الى فى القلبى قصدى الحب يعنى

فكانت ماشيه هى واحده صحبتها وانا وميدو لقتها بتقولى انت بتحب
ياايمووووووووه يااااااااه مش عارف اوصفلكم اللحظه ديه حاسيت ان الكول عمل
حاجه رديت عليها قولتلها انا اها اها بحب

فاطمه: مين يا ايمووووه

انا: وبكل ثقه انتى بحبك انتى

لقتها مره واحده راحت قالبه وشه ولسان حالها بيقول انا احب الكول ده ازاى يعنى

لقتها راحت قالتلى احنا لسه صغيرين على الكلام ده

طبعا انا فى اللحظه ديه كل الكول عندى وقع حسيت ان البنطلون نزل من على
صدرى وكيلو الجيل الى كنت حاطه على شعرى بيقع وبنطلون المطافى بدا ينزل من
تحت

المهم كالعاده عم عليه السكوت وفضلنا ماشين حوالى 50متر كده وفجائه احنا
الاربعه ماشين فى خط واحد راحت واخده يمين هى وصحبتها من غير سلام او بيس
يامان ولا اى حاجه كوووووول

كان منظرى انا وميدو مش كول ولا طعميه كمان

ودي كانت البدايه بس طبعا قصص الحب مخلصتش

كوووووول يامان
متزعلش بقى
بكره تلاقى احسن منها

ههههههههههههههه

يوميات فاشل (متجدد يوميا)...... 754300

الفشل التانى(امير الانتقام)

يوميات فاشل (متجدد يوميا)...... 5dqc93

بعد أن فشلت في الحب واكتشفت بعديها بخمس سنين أن ميدو اعز اصدقائى
الكووول بقى يمشى مع طمطوم وحبوا بعض حسيت أن مفيش خير في اى كول تقبله في
حياتك اتألمت أوى من المنظر إلى شوفته
صحبي الكوووول وحببتى طمطوم مع بعض يااااااااااه فقررت انتقم لحبي منهم
ميدو ساعتها كان هو فتوة الفصل محدش يقدر عليه
اعدت أفكر ازاى ابينلها أن ميدو ده ولا حاجه وأنا الكووول الاصلى
وانا قعد عمال اكل في نفسي لقيت برنامج مصارعة المحترفين
وكان جايب ساعتها مصارعه لجون سينا
.....بس لقيتها
قولت بس أنا جون سينا وبكره هكسرك ياميدو
لبست بنطلون استرتش احمر مخطط
واعدت ادور على تى شيرت كات يبقى على مقاسى ملقتش
رحت رايح جايب فنله حملات وكان لونها اخضر وحسيت ساعتها أنى
عبده سينا يوميات فاشل (متجدد يوميا)...... Icon_bounce

بعديها كنت عايز اتمرن شويه فندهت لأخويا الصغير سوكا وقولتلو تعالى نلعب
مصارعه ولعبنا وانا اتحمست اوي وتقمصت الشخصيه وهووووووووووب
كسرت ايد اخويه
وكانت النتيجه علقه من العيار التقيل
المهم صحيت الساعة سبعه ونص برده كالعادة بس الغريب فى اليوم ده أنى مسمعتش أغنية عايزنها تبقى خضر الارضى الى فى الصحرا
سمعت أغنية أتقدم اهاهاها أتقدم اهاهاا بتاعة فيلم احمد ذكى النمر الأسود
فى اللحظه ديه حسيت ان كل الظروف معايا لبست الهدوم العجيبة ولبست فوقهم
هدوم المدرسة العادية ورحت المدرسه واعدت منتظر لحظة الحسم واخيرا جت حصة
الألعاب ورحت مغير الهدوم ووقفت قدام ميدو وسعتها كنت ميت في جلدي بس لا
لازم اوجهه......هجووووووووووووووووووووووووم
أنا: ليه كده الخيانه دي ياكوووال مش البت طمطوم دي الحته بتعتي ولا ايه
ميدو: أنت هتعملى فيها ممدوح فرج
أنا: لا هعملك فيها جون سينا
انا قولت الكلمه دي وعينك متشوف الى النور عملته كفته ...احم احم مش كفته
اوي يعني هو الي حصل والي انا فكره اني قطعتلو قميصو وخربشتو في ايدو
اما انا بقه احم احم ودعت من بوقي درسين وناب وهدوم المدرسه بقت خيش لحمام المدرسه والشنطه بقت بسكت الزباله
وبرده كانت النتيجه في البيت علقه من العيار التقيل
وفشلت فى ان أعيد كرمتى واعتبرت موضوع طمطوم وميدو ده عادي وربنا يهني سعيد بسعيده
وبالنهاية الاليمه ديه انطوت صفحه من صفحات حياتى وهى صفحة الكوووووول يوميات فاشل (متجدد يوميا)...... Sleep

فاشل

معلش بقى
والله صعبت عليا
مش ملاحق تستحمل العلق اللى فى البيت
ولا اللى بره البيت

انت بطل
واكيد فى النهايه طمطوم هترجعلك

استاااااااااااااااااااااااذ

ههههههههههههههههههههههههههه
هههههههههههههههههههه

يوميات طريفة جدا يا هندسه وسلملى على طمطوم

» أنا فاشل ... وهذا عذرى ..
» من طرائف القدماء ( متجدد )
» شارك ولو بنكته ( متجدد بأنفاسكم )
» مع البرنامج الاذاعي ( انا والبطيخ وهواك ) متجدد...
» اضمنلك باذن الله ما لايقل عن 720جنيه شهريا فى 10دقائق من النت يوميا