vibroflot
عضو ماسى
عدد المساهمات : 996
تاريخ التسجيل : 23/08/2009
العمر : 34
 |  موضوع: مختارات من رباعيات صلاح جاهين  الثلاثاء سبتمبر 15, 2009 8:23 am | |
| صلاح جاهين الضاحك الباكي
من اكثر الشعراء الذين اعشقهم
واليكم بعض من رباعياتة البديعة
غمض عينيك و امشي بخفة و دلع
الدنيا هي الشابة و انت الجدع
تشوف رشاقة خطوتك تعبدك
لكن انت لو بصيت لرجليك ... تقع
!عجبي
يا للي انت بيتك قش مفروش بريش
تقوى عليه الريح. يصبح مفيش
عجبي عليك حواليك مخالب كبار
و ما لكش غير منقار و قادر تعيش
!عجبي
حبيت...لكن حب من غير حنان
وصاحبت لكن صُحبه مالهاش أمان
رحت لحكيم واكتر لقيت بلوتي
إن اللي جوّه القلب مش ع اللسان
!عجبي
إيش تطلبي يا نفس فوق كل ده
حظك بيضحك وانتي متنكدة
ردت قالت لي النفس: قول للبَشَر
ما يبصوليش بعيون حزينة كده
!عجبي
بحر الحياه مليان بغرقى الحياه
صَرَخت خش الموج في حلقي ملاه
قارب نجاه!...صَرَخت قالوا مفيش
غير بس هو الحب قارب نجاه
!عجبي
إنشد يا قلبي غنوتك للجمال
وارقص في صدري من اليمين للشمال
ماهوش بعيد تفضل لبكره سعيد
ده كل يوم فيه ألف ألف احتمال
!عجبي
فتحت شباكي لشمس الصباح
ما دخلش منه غير عويل الرياح
وفتحت قلبي عشان أبوح بالألم
ما خرجش منه غير محبة وسماح
!عجبي | |
|
مسلمه
عضو ماسى
عدد المساهمات : 531
تاريخ التسجيل : 21/08/2009
العمر : 35
| | موضوع: رد: مختارات من رباعيات صلاح جاهين الثلاثاء سبتمبر 15, 2009 12:54 pm | |
| تسلم على الموضوع الجميل يا vibroflotو فعلا جاهين ده راجل بنحبه مووت دهاكتر حد بحب انا شعره وده مش اول voteوعجبي | |
|
