the martyr
عضو فعال
عدد المساهمات : 258
تاريخ التسجيل : 22/08/2009
العمر : 35
 |  موضوع: اختبار السفارة المصريه للحصول على الجنسية  الخميس مارس 25, 2010 8:45 pm | |
| اختبار السفاره المصريه للحصول علي الجنسيه
صباح الفل حبايبي الأعزاء
يشترط لدخول الامتحان ان المتقدم يكون معاه كل أدواته اللازمة : قلم رصاص – أستيكة (تحسباً للأخطاء الكتيرة) - اثبات شخصيتك (تذكرة اوتوبيس – مفتاح الشقة – كارت تليفون مينا تل – عملة مصرية - أي حاجة)
في حالة لو احتجت لورقة اجابة زيادة اطلب من المشرف مع مراعاة عدم كتابة اسمك عليها (ما هي مش فارقة هتنجح هتنجح)
السؤال الأول:اختار من بين الأقواس الكلام الصح:
1- حنان ترك اتحجبت يعني............ (لبست جزمة - لبست ساعة - لبست ايشارب)
2- اللي بنى هرم خوفو............ .(طلعت مصطفى - المقاولون العرب - مقاول أنفار - خوفو)
3- اللي بنى..بنى مصر كان في الأصل......(حلاق - نجار - تاجر مخدرات - حلواني)
4- البرنامج اللي بيجي ع القناة الأولى كل يوم الساعة 7.00 صباحاً ومحدش بيتفرج عليه برنامج..صباح الخير ............ (يا ماما - يا بابا - يا خالو - ياريس - يا مصر)
5 - مصر هى أمي نيلها جوا...........(عبي - بطني - رجلي - جيبي - دمي)
6- رئيس مصر القادم السيد......(جمال مبارك - جمال مبارك – جمال مبارك - كل ما سبق)
7- ابو تريكة هو ....(مدرس - تاجر شكاير اسمنت فاضية - لاعب كرة - تاجر مواشي)
8- يا حضرة العمدة ابنك حميدة حدفني بالـ .... (معدية - السفندية - المية المعدنية - المهلبية)
9- اشهر مغني مصري هو عبدالحليم .... (دياب - حافظ - سموزين - فؤش)
السؤال الثاني:أكمل الجمل الآتية بكلام م الآخر:
1- انتبه من فضلك السيارة ترجع إلى............ ......... ...
2- ماما زمنها............ ......
3- من خلال تجاربك السابقة...البامبرز استيك منه............ .
4- طلعت أدّب نزلت أدّب لقيت الدب بيأزز............
5- اسم والد اللاعب وائل جمعة الحاج............ ..
6- وهيلا هيلا ، هيلا هيلا هو ، الزمالك ........
7- دا شاب هيهي ، بيروح و ......
السؤال الثالث:ضع علامة صح أو علامة غلط أمام الكلام الجاي:
1- بابا فين؟؟ ..بابا هنا..قوله مين؟؟ قوله عمو ( )
2- الشرطة دائما في خدمة الشعب ( )
3- أذان المغرب في رمضان بصوت 'طارق نور' ( )
4- شاي الجوهرة حتة سكرة ( )
5- ميلودي تتحدى الملل فعلا ( )
السؤال الرابع : التعبير الحر
اكتب فيما لا يزيد عن 3 سطور تعليق على اخر متش للاهلي و الزمالك
السؤال الخامس : علل
1- مازالت كرة القدم هي اللعبة الشعبية الاولى برغم ان احنا ملناش فيها
2- ذكاء الشعب المصري الخارق برغم من اعتماده على الفول كغذاء اساسي
3-وجود السحابة السوداء برغم ازالة جميع اكشاك البطاطا المتحركة | |
|
ahmed sabbah
المدير العام
عدد المساهمات : 1572
تاريخ التسجيل : 20/08/2009
العمر : 35
| | موضوع: رد: اختبار السفارة المصريه للحصول على الجنسية الخميس مارس 25, 2010 9:15 pm | |
| ههههههههههههههههه
ايه الأسئلة الصعبة دى؟؟
بس ما أظنش ان مصر بتدى الجنسية لأى حد بسهولة
ده على العكس
يعنى مثلا الابن لأم مصرية كان بيتعذب وما ياخدش الجنسية الا من فترة قريبة جدا
| |
|
